Ја започнуваме 2015та со новата колекција на „Ал Апарел“ на Наташа Карчева насловена „Божиќна приказна“.

Во колекцијата има 22 креации, во кои преубаво се испреплетени традиционални шари во комбинации на сива, црна, црвена и нежно розова.

Навистина ни е мило што „Ал Апарел“ бренд кој досега беше познат по изработка на венчални фустани направи една полежерна колекција во која сите можеме да уживаме.

Со нетрпение ги очекуваме новите колекции на ова врвно модно студио.
Колекции кои ќе донесат освежување во модниот свет во државата и пошироко.
………………………………………………………………..

Модното ателје „Ал Апарел“ на дизајнерката Наташа Карчева деновиве ја претставува колекцијата „Божиќна приказна“ преку лукбук со манекенката Ивана Гелева од агенцијата „Подиум“. Фотографите ги направи Марина Трајковска, а за шминката и фризурата се погрижи Зорица Николова. Етикетата „Ал Апарел“ на Карчева постои девет години, досега беше претпознатлива по венчалн и фустани и свечени тоалети, а дизајнерката со „Божиќна приказна“ претставува сосема поинаква модна приказна. Колекцијата содржи 22 креации, тоа се претежно коктел фустани, палта и комбинезони, а користени се црна, бела, црвена, бебешко розева, зелена и сива боја, како и рачно изработени детали. Колекцијата веќе е достапна во ателјето „Ал Апарел“ кое се наоѓа споти скопската гимназија „Јосип Броз Тито“.